लायन्स भलिबलको फाइनलमा बैडी र राङरुङ्ग
दुलेगौँडा, २६ असोज । शुक्लागण्डकीमा जारी वडास्तरिय भलिबल प्रतियोगिताको उपाधीका लागी राङरुङ्ग युवा समुह र बैडी ब्वाइज युनिट भिड्ने भएका छन् ।
लायन्स क्लब अफ तनहुँ शुक्लागण्डकी टाउनको आयोजनामा भएको महोत्सवस्थलमा सो प्रतियोगिता भएको हो । विहिवार भएको सेमिफाइनल खेलमा राङरुङ्ग युवा समुहले नाइसा कन्सट्रक्सनलाई र बैडी ब्वाइज युनिटले सेभेन ए गाइजलाई हराउदै फाइनलमा पुगेका हुन् ।
पहिलो खेलमा राङरुङ्ग युवा समुहले नाइसा कन्सट्रक्सनलाई २५–२१,२५–१६ र २६–२४ को सोझो सेटमा पराजित गरेको भने अन्तिम खेलमा सेभेन ए गाइजलाई बैडी ब्वाइज युनिटले २६–२४, २५–२१, २६–२८,२२–२५ र १५–११ को स्कोरमा पराजित गर्दै फाइनलमा पुग्न सफल भएको हो ।
शुक्रवार फाइनल हुने खेलकुद संयोजक प्रेम श्रेष्ठले जानकारी दिए । यसअघि तेस्रो स्थानका लागी सेमिफाइनलमा पराजित भएका नाइसा र सेभेन ए गाइज भिडने उनले बताए । प्रतियोगितका विजयी समुहलाई नगद १ लाख ५ हजारको साथमा ट्रफी, मेडल र प्रमाणपत्र प्रदान गरिने आयोजकले जनाएको छ । द्धितिय र तृतीय हुने समुहलाई क्रमश ः ७५ हजार, २० हजारको साथमा ट्रफी, मेडल र प्रमाणपत्र प्रदान गरिनेछ । विजयी समुहलाई शनिबार महोत्सवको समापनको अवसरमा पुरस्कार प्रदान गरिने बताइएको छ । सोमबारदेखि सुरु भएको प्रतियोगितामा १६ समुह सहभागी रहेका थिए ।
प्रतिकृया दिनुहोस