खैरिकोटका बाख्रा पालक किसान जित बहादुरलाई पशु बिमाको रकम प्रदान
दुलेगौंडा, २२ बैशाख । स्याङजाको हरिनाशमा रहेको चिसापानी साना किसान कृषि सहकारी सस्था लिमिटेडले बाख्रा पालक किसानलाई पशुधन सुरक्षण (पशु बिमा) बापतको मृत्यु दाबी रकम प्रदान गरेको छ ।
शनिवार वडा नं. १ खैरिकोटका बाख्रा पालक किसान जित बहादुर गुरुङलाई सहकारीका अध्यक्ष प्रकाश पौडेलले पशुधन सुरक्षण रकम प्रदान गरेका हुन् । कृषक गुरुङले बाख्राको पशु विमा गरेका थिए । सहकारीले आफ्ना सदस्यहरुले पालेका पशुचौपाया हरुको पशुधन सुरक्षण ( पशु बिमा), साना किसान सदस्य हरुको तीन लाख रुपैया सम्मको म्यादी जीवन बिमा गर्दै आईरहेको छ ।
सहकारीले आफ्ना सदस्यबीच बचत, ऋणको कारोबारका साथै किसानहरुलाई मलखाद, बिउबिजन, फलफुल तरकारीका बेर्ना बितरण गर्दै आइरहेको छ । श्निवारै हरिनास गाउँपालिका वार्ड नंं. १ को खैरिकोट क्षेत्रमा सहकारी शिक्षा तथा साना किसान समुह, अन्तरसमूह सुदृढीकरण एवम् पशुधन सुरक्षण ( पशु बिमा) कार्यक्रम , किसान बिमा कार्यक्रम , किसान नेट, बचत एवं ऋणको महत्वको बारेमा सस्थाका अध्यक्ष पौडेलले प्रशिक्षण गरेका थिए ।
प्रतिकृया दिनुहोस