शुक्लागण्डकी महोत्सवमा दिउँसो पुरुषोत्तम, रामजी, चोलेन्द्र र ज्योती, साँझमा कन्सर्ट
दुलेगौंडा, २९ माघ । तेस्रो शुक्लागण्डकी महोत्सव बेलचौतारामा जारी छ । चौथो दिन आज विभिन्न राष्ट्रिय कलाकारको प्रस्तुती रहने आयोजकले जनाएको छ । । कलाकार व्यवस्थापन उपसमिति संयोजक सुजित हिराचनका अनुसार पुरुषोत्तम न्यौपाने, रामजी खाँड, चोलेन्द्र पौडेल, ज्योती लोहनीको प्रस्तुती रहने छ । यस्तै साँझमा वेयरवोल्फ ब्याण्ड पोखराको लाइभ कन्सर्ट हुने छ ।
शुक्लागण्डकी नगर उद्योग वाणिज्य संघको आयोजनामा जारी महोत्सव शुनपा–५ बेलचौतारास्थित भानुभक्त बहुमुखी क्याम्पसको खेलमैदानमा चलिरहेको छ । महोत्सव फागुन ८ गतेसम्म चल्ने छ । सम्पूर्ण वडा व्यवस्थापन समिति र महिला उद्यमी विकास समितिको सह–आयोजना र नेपाल उद्योग वाणिज्य महासंघ गण्डकी, नेपाल उद्योग वाणिज्य महासंघ र नेपाल पर्यटन वोर्डको प्रवद्धनमा महोत्सव भएको हो । महोत्सवमा १ सय ७८ रहेका छन् ।
प्रतिकृया दिनुहोस