९० लाख लगानीमा दुलेगौंडामा दाउराको सेकुवा
दुलेगौंडा, २ भदौ ।
तनहुँको शुक्लागण्डकी–४ दुलेगौंडामा दाउराको सेकुवा सोमवार शुभारम्भ भएको छ ।
मंगलबार शुनपा ४ का वडा अध्यक्ष राजकुमार वाग्लेले सो रेष्टुरेन्टको उद्घाटन गरे । विगत ४ वर्षदेखि हट एण्ड स्पाइसी सञ्चालन गर्दै आएका अर्जुन गुरुङले सो रेष्टुरेन्ट सञ्चालनमा ल्याएका हुन । करिव ९० लाख लगानीमा सञ्चालित सो रेष्टुरेण्टमा ८ जनाले रोजगारी पाएका छन् ।
उद्घाटनको अवसरमा बोल्दै शुक्लागण्डकी नगरपालिका वडा नं। ४ का अध्यक्ष राज कुमार वाग्लेले स्वेदेशमै रहेर अरुलाई समेत रोजगारी दिन सफल भएकोमा खुसी व्यक्त गरे । उनले आगामी दिनमा सफलताको कामना गरे । सो रेष्टुरेण्ट हट एण्ड स्पाईसी भन्दा केहि घर तल रहेको छ । उद्घाटनको अवसरमा हट एण्ड स्पाईसीका संस्थापक ज्ञान गुरुङ लगायतले व्यवसायिक सफलताको शुभकामना दिए । हट एण्ड स्पाईसीका हाल देशभर १८ आधिकारिक शाखा रहेका छन् । दुलेगौंडाको हट एण्ड स्पाईसीको अनुभवलाई संगाल्दै युवा व्यवसायी अर्जुन गुरुङले दाउराको सेकुवा फराकिलो स्थानमा सञ्चालनमा ल्याएका हुन् ।
प्रतिकृया दिनुहोस